අපවත් වී වදාළ අනුරාධපුර අටමස්ථානාධිපති, ශ්යාමෝපාලි මහානිකායේ මල්වතු මහාවිහාර පාර්ශ්වයේ උතුරු මධ්යම දිසාවේ ප්රධාන සංඝනායක ආචාර්ය අතිපූජ්ය පල්ලේගම සිරිසුමන ධම්මරක්ඛිත සිරිනිවාස නායක ස්වාමීන්ද්රයන් වහන්සේ ආදාහන පූජෝත්සවය රාජ්ය අනුග්රාහකත්වයෙන් හෙට (22) සවස 2.30ට මහා විහාර ආදාහන මුළුවේදී සිදු කිරීමට කටයුතු යොදා තිබේ.
අපවත්වූ නාහිමිපාණන් වහන්සේගේ දේහය පෙරේදා (19) සවස බෝමළුව විහාරස්ථානය වෙත වැඩමවා සන්නිපාත ශාලාව තුළ තැන්පත් කළහ. ඉන් අනතුරුව අටමස්ථාන විහාරාධිකාරී නායක හිමිපාණන් වහන්සේලා විසින් අටමස්ථාන නායක හිමිපාණන් වහන්සේගේ දේහයට ගෞරව දැක්වූහ.
