මේෂ
වෙළෙඳ ව්‍යාපාරවලින් ලාභ ප්‍රයෝජන
ලග්නාධිපති කුජ හයේ රවි, සඳු, සිකුරු සමඟයි. බුධ 7, ගුරු 8, ශනි, කේතු 9 ගෝචරය වේ. එම ග්‍රහ පිහිටීම් ගැන සැලකීමේ දී සතුරු කරදර බාධා ඉස්මතු වුවත් ඒවා මැඬපවත්වාගෙන කටයුතු කළ හැකිය. වෙළෙඳ ව්‍යාපාරවල යෙදී සිටින අයට ලාභ ප්‍රයෝජන සහිතයි. වෘත්තීය සහ රැකියා අංශවලදී ද බාධා ප්‍රමාදතා මධ්‍යයේ වුවද කිසියම් සාර්ථක ප්‍රතිඵලයක් ලබනු ඇත. ගෙදරදොර කටයුතුවලදී ද, යුග දිවිය සම්බන්ධ කටයුතුවලදී ද සාමාන්‍ය වශයෙන් කටයුතු සිදු වේ. සමඟියට සාමයට බාධා එල්ල නොවේ. දරුවන්ගේ කටයුතු සම්බන්ධයෙන් අවධානය යොමු කළ යුතුයි. ඉගෙනීමේ යෙදී සිටින අයට උත්සාහයෙන් ප්‍රතිඵල ලබාගත හැකියි. උදරාශ්‍රිත රෝග, උෂ්ණාධික රෝගාදියෙන් ද තුවාල පීඩාදියෙන් ද ප්‍රවේසම් විය යුතුයි.
ජය වර්ණය- රතු, අංකය- 09, දිනය- බ්‍රහස්පතින්දා
වෘෂභ
අනුමානයට කරන වැඩවලින් දියුණුව
ලග්නාධිපති සිකුරු පූර්ව පුණ්‍යස්ථානයේ රවි, සඳු, කුජ සමඟයි. බුධ හයේ ද, ගුරු 7 ද, ශනි, කේතු 8 ද ගමන් කරයි. එම ග්‍රහ ගෝචරය සැලකීමේ දී තමාගේ කටයුතු කරගෙන යෑමේ දී බාධා අවහිරතා ඉස්මතු වේ. කෙසේ වුවත් අනුමානයට කරන වැඩවලින් දියුණුවක් ලැබේ. ආදායම් තත්ත්වය යහපත්ය. අලංකාරයට, සැප පහසුවට අවශ්‍ය දේ ලබාගනී. වෘත්තීය සහ රැකියා අංශවල දී අන්‍යයන්ගේ සහයෝගය ඔබ බලාපොරොත්තු වන තරමට සාර්ථක නොවේ. බාධා සහිතයි. ගෙදරදොර කටයුතු මෙන්ම යුගදිවිය සම්බන්ධයෙන් ශුභදායකයි. සතුරු කරදර ඉස්මතු වුවත් ඒවා මැඬපවත්වාගෙන තම කටයුතු සාර්ථක කරගනී. දරුවන්ගේ කටයුතු සාමාන්‍ය අන්දමට සිදු වේ. අධ්‍යාපන කටයුතුවල යෙදී සිටින අයට අලුත් විෂය කෙරෙහි අවධානය යොමු කළ හැකිය. ස්නායු දුර්වලතා, උෂ්ණාධික රෝගාදියෙන් ප්‍රවේසම් විය යුතුයි. ජය වර්ණය- නිල්, අංකය- 06, දිනය- සිකුරාදා
මිථුන
රැකියාවට බාධා
ලග්නාධිපති පූර්ව පුණ්‍යස්ථානයේ ද රවි, සඳු, කුජ, සිකුරු 4 ද, ගුරු 6, ශනි, කේතු 7, රාහු ලග්නයේ ගමන් කරයි. එම ග්‍රහ ගෝචරය සැලකීමේදී මේ කාල සීමාව තුළ තම කටයුතු කරගෙන යෑමේ දී බාධා අවහිරතා ඉස්මතු කළ හැකිය. වෘත්තීය සහ රැකියා අංශවලදී වුවද තම කටයුතු කරගත හැක්කේ බාධා අවහිරතා මධ්‍යයේය. උනන්දුව සහ කැපවීමෙන් සාර්ථක දියුණුවක් ලබයි. ආර්ථික වශයෙන් ලැබීම් තිබුණ ද වියදම් පක්ෂය ද ඉහළ යයි. ගෙදරදොර කටයුතු මෙන්ම යුගදිවිය සම්බන්ධ කටයුතු ද සාර්ථකයි. සමඟිය සහ සාමයට බාධෘ එල්ල නොවේ. දරුවන්ගේ කටයුතු යහපත්ය. ඉගෙනීමේ කටයුතුවල කිසියම් දියුණුවක් ඇති වේ. වෛරස් රෝග, බෝවන රෝග, උෂ්ණ රෝගවලින් ප්‍රවේසම් වන්න.
ජය වර්ණය- කොළ, අංකය- 05, දිනය- බදාදා
කටක
ගනුදෙනුවලදී කල්පනාකාරී වන්න
ලග්නාධිපති සඳු, රවි, කුජ, සිකුරු තුන්වැන්නේය. බුධ 4 ද, ගුරු 5 ද, ශනි, කේතු 6 ද, රාහු 12 ද ගමන්ගනී. එම ග්‍රහ පිහිටීම් ගැන සැලකීමේ දී යම් යම් බාධා ප්‍රමාදතා ද ඉස්මතු වේ. ආර්ථික වශයෙන් ශුභදායක බවක් පෙන්නුව ද අනපේක්ෂිත ලෙස පවතින සිද්ධීන් තුළ වියදම් පක්ෂය ඉහළ යනු ඇත. මිල මුදල් සම්බන්ධ කටයුතුවලදී කල්පනාකාරී වන්න. වෘත්තීය සහ රැකියා ක්ෂේත්‍රයේ දී සාමාන්‍ය අන්දමට සිදු වේ. ගෙදරදොර කටයුතු මෙන්ම යුගදිවිය සම්බන්ධ කටයුතුවලදී සමඟිය සාමයට බාධා එල්ල නොවේ. දරුවන්ගේ කටයුතු උදෙසා කාලයත්, ධනයත්, ශ්‍රමයත් වැය වේ. අධ්‍යාපන අංශවල යෙදී සිටින අයට අලූත් විෂයයන් කෙරෙහි අවධානය යොමු කළ යුතුයි. උෂ්ණාධික රෝග, මූත්‍රා, වකුගඩු පීඩා, සෙම් පීඩා ඇති කළ හැකිය.
ජය වර්ණය- සුදු, අංකය- 02, දිනය- සඳුදා
සිංහ
වියදම් පක්ෂය ඉහළ යයි
ලග්නාධිපති රවි, සඳු, කුජ, සිකුරු දෙවැන්නේ සිටී. බුධ තුන්වැන්නේය. ගුරු 4, ශනි, කේතු 5, රාහු 11 ගමන්ගනී. එම ග්‍රහ පිහිටීම් ගැන සැලකීමේ දී ආර්ථික සහ මූල්‍යමය වශයෙන් ශුභදායකයි. විවිධ ක්ෂේත්‍රයන්ට යොමු වීමෙන් ආර්ථික වාසි ප්‍රයෝජන ලබයි. ආදායම් වැඩි වුණ ද වියදම් පක්ෂය ඉහළ යයි. වෘත්තීය සහ රැකියා අංශවලදී තරමක් කල්පනාකාරී වන්න. විටෙක සුළු වශයෙන් වුවද බාධා අවහිරතා එල්ල විය හැකි බැවිනි.
ගෙදරදොර කටයුතු මෙන්ම යුගදිවිය සම්බන්ධ කටයුතුවලදී ඉවසීමෙන් ද බුද්ධිමත්ව ද ක්‍රියා කළ යුතුයි. දරුවන්ගේ කටයුතු කෙරෙහි අවධානය යොමු කරන්න. අධ්‍යාපන ක්ෂේත්‍රවල නියුක්ත අයට පර්යේෂණ කටයුතුවලට ශුභයි. උනන්දුව සහ කැපවීමෙන් සාර්ථක ප්‍රතිඵල ලැබිය හැකිය. උෂ්ණාධික රෝග, ස්නායු දුර්වලතාවලට ඉඩ පවතී.
ජය වර්ණය- රතු, අංකය- 01, දිනය- ඉරිදා
කන්‍යා
මුදල් ලැබීම අතින් යහපත්
ලග්නාධිපති බුධ දෙවැන්නේය. රවි, සඳු, කුජ, සිකුරු ලග්නයේ ද සිටී. ගුරු 3 ද, ශනි, කේතු 7, රාහු 10 සිටී. එම ග්‍රහ ගෝචරය ගැන සැලකීමේදී තමාගේ වැඩකටයුතුවලට බාධා අවහිරතා ඉස්මතු වේ. එම නිසා ඉවසීමෙන් ද බුද්ධිමත්ව ද ක්‍රියා කළ යුතුයි.
මිල මුදල් ලැබීම අතින් යහපත්ය. විවිධ අංශයන්ට යොමු වීමෙන් ආර්ථික වාසි ලබයි. ගෙදරදොර කටයුතු මෙන්ම යුගදිවිය සම්බන්ධ කටයුතුවල දී තරමක් ඉවසිලිමත් විය යුතුයි. දරුවන්ගේ කටයුතුවල කිසියම් දියුණුවක් ලබයි. අධ්‍යාපන කටයුතුවල යෙදී සිටින අයට සිය උත්සාහය තුළ සාර්ථක ප්‍රතිඵල ලබයි. රුධිර පීඩනය, ස්නායු දුර්වලතාවලින් ප්‍රවේසම් විය යුතුයි.
ජය වර්ණය- කොළ, අංකය- 05, දිනය- බදාදා
තුලා
ආර්ථික වාසි ලබයි
ලග්නාධිපති සිකුරු, රවි, සඳු, කුජ 10 ද, බුධ ලග්නයේ ද, ගුරු 2 ද, ශනි, කේතු 3 ද, රාහු 9 ද ගමන්ගනී. හම ග්‍රහ ගෝචරය ගැන සැලකීමේදී අනුමානයට කරන කටයුතුවල දී ඔබ බලාපොරොත්තු වන තරමට සාර්ථක ප්‍රතිඵල උදා නොවේ. යම් යම් බාධා අවහිරතා ඉස්මතු වේ. වෘත්තීය සහ රැකියා අංශවල දී වුව ද එතරම්ම ශුභ නැත. අවහිරතා මධ්‍යයේ ක්‍රියා කරයි. මිල මුදල් ලැබීම අතින් ශුභදායක වේ. විවිධ අංශවලට යොමු වීමෙන් ආර්ථික වාසි ලබයි. ගෙදරදොර කටයුතු මෙන්ම යුගදිවිය සම්බන්ධ කටයුතුවලට එතරම් බාධා පැන නොනඟී. දරුවන්ගේ කටයුතුවල දියුණුවක් ගෙන දේ. අධ්‍යාපන අංශවල යෙදී සිටින අයට ශුභයි. අලුත් විෂයයන් ඉගෙනීමට අවස්ථාව සැලසේ. උෂ්ණාධික රෝග, ලේ දූෂ්‍යාබාධ යනාදියෙන් ප්‍රවේසම් වන්න.
ජය වර්ණය- නිල්, අංකය -06, දිනය- සිකුරාදා
වෘශ්චික
දරුවන්ගේ කටයුතුවලට කාලය
ලග්නාධිපති කුජ, රවි, සඳු, සිකුරු සමඟ අයස්ථානයේය. ගුරු ලග්නයේ ද, ශනි, කේතු දෙකේ ද, රාහු 8 ගෝචරය වේ. කුජ, බුධ පරිවර්තනයකි. එම පිහිටීම ගැන සැලකීමේදී වෘත්තීය සහ රැකියා අංශවල දී විටෙක බාධා අවහිරතා එල්ල විය හැකි බැවින් ඉවසීමෙන් ද විමසිලිමත්ව ද ක්‍රියා කළ යුතුයි. මිල මුදල් ලැබීම අතින් ශුභයි. විවිධ අංශයන්ට යොමු වීමෙන් ආර්ථික වාසි ලබාගනු ඇත. ගෙදරදොර කටයුතු මෙන්ම යුගදිවිය සම්බන්ධ කටයුතුවල දී තරමක් ඉවසීමෙන්ද බුද්ධිමත්ව ද ක්‍රියා කරන්න.
දරුවන්ගේ කටයුතුවල දී කාලයත් ධනයත් ශ්‍රමයත් වැය වේ. අධ්‍යාපන අංශවල යෙදී සිටින අයට ශුභයි. පර්යේෂණ කටයුතුවලට වඩාත් ශුභදායක වේ. උෂ්ණාධික රෝග, උගුර, බෙල්ල ආශ්‍රිත රෝගවලින් ප්‍රවේසම් වන්න.
ජය වර්ණය- රතු, අංකය- 09, දිනය- බ්‍රහස්පතින්දා
ධනු
රස්සාවේදී කල්පනාකාරි වන්න
ලග්නාධිපති ගුරු 12 ද, ශනි, කේතු 11 ද, රාහු 5 ද, රවි, සඳු, කුජ, සිකුරු 10 ද ගමන්ගනී. එම පිහිටීම තුළ වෘත්තීය සහ රැකියා අංශවල දී යම් යම් බාධා සහ අවහිරතා ඉස්මතු කළ හැකි නිසා විමසිලිමත්ව ද, බුද්ධිමත්ව ද ක්‍රියා කළ යුතුයි. නොඑසේ නම් ආකූලතා ව්‍යාකූලතා ඉස්මතු කළ හැකි බැවිනි. ආදායම් ලැබීම යහපත් වුව ද වියදම් පක්ෂය ඉහළ යයි. මිල මුදල් සම්බන්ධ කටයුතුවල දී කල්පනාකාරී වන්න. ගෙදරදොර කටයුතු මෙන්ම යුගදිවිය සම්බන්ධ කටයුතු අයහපත් නැත. සමඟිය සාමයට බාධා එල්ල නොවේ. දරුවන්ගේ කටයුතු කෙරහි අවධානය අවශ්‍යයි. අධ්‍යාපන අංශවල යෙදී සිටින අයට සිය උත්සාහය තුළ ඉගෙනීම සාර්ථක කරගත හැකිය. උෂ්ණාධික රෝග, උදරගත පීඩාවලින් ප්‍රවේසම් වන්න.
ජය වර්ණය- රන්වන්, අංකය- 03, දිනය- බ්‍රහස්පතින්දා
මකර
උසස් අයගෙන් ආධාර උපකාර
ලග්නාධිපති ශනි, කේතු 12 ද, ගුරු අයස්ථානයේ ද, රවි, සඳු, කුජ, සිකුරු භාග්‍යස්ථානයේ ද ගෝචරය වේ. එම ග්‍රහ ගෝචරය සැලකීමේ දී ඔබේ ආදායම් තත්ත්වය කිසියම් මට්ටමකට ඉහළ යයි. උසස් අයගෙන් ද වැඩිහිටි අයගෙන් ද ආධාරය හා උපකාරය ලැබේ. ඒ තුළ වෘත්තීය සහ රැකීරක්ෂා අංශවල ප්‍රගතියක් උදා කරගනු ඇත. වෙළෙඳ ව්‍යාපාරවල යෙදී සිටින අයට යහපත්ය. වාසි ලැබේ. ගෙදරදොර කටයුතු හා යුගදිවිය සම්බන්ධ කටයුතු සාමාන්‍ය වේ. දරුවන්ගේ කටයුතුවල කිසියම් ප්‍රගතියක් ලබයි. අධ්‍යාපන අංශවල නියුක්ත අයට අලුත් විෂයයන් ඉගෙනීමට අවස්ථාව උදා වේ. මලබද්ධය, බඩවැල් ආශ්‍රිත පීඩා, රුධිර පීඩනය වැනි රෝගාදියෙන් ප්‍රවේසම් වන්න.
ජය වර්ණය- නිල්, අංකය- 08, දිනය- සෙනසුරාදා
කුම්භ
ගෙදරදොර වැඩකටයුතු අධිකයි
ලග්නාධිපති ශනි, කේතු 11 ද, රාහු 5 ද, ගුරු 10 ද, රවි, සඳු, කුජ, සිකුරු අටේ ද ගෝචරය වේ. එම ග්‍රහ ගෝචරය සැලකීමේදී ඔබ බලාපොරොත්තු වන තරමට සාර්ථක ප්‍රතිඵල උදා නොවේ. තමාගේ කටයුතුවලට බාධා අවහිරතා ඉස්මතු කළ හැකිය. එම නිසා උනන්දුවෙන් ද කැපවීමෙන් ද යුතුව ක්‍රියා කළ යුතුයි. මිල මුදල් ලැබීම අතින් කිසියම් අන්දමක සාර්ථක ප්‍රතිඵල ලැබුණ ද වියදම් පක්ෂය පාලනය කරගැනීම තරමක් දුරට අපහසු වේ. මිලමුදල් සම්බන්ධ කටයුතුවල දී කල්පනාකාරී වන්න. ගෙදරදොර කටයුතු මෙන්ම යුගදිවියේ කටයුතුවල දී ද වැඩකටයුතු බහුල වේ. දරුවන්ගේ කටයුතු කෙරෙහි අවධානයෙන් සිටිය යුතුයි. අධ්‍යාපන අංශවල යෙදී සිටින අයට සිය උත්සාහය තුළ සාර්ථක ප්‍රතිඵලයක් ලැබිය හැකිය.
ජය වර්ණය- නිල්, අංකය- 06, දිනය- සෙනසුරාදා
මීන
බාධා අවහිරතා
ලග්නාධිපති ගුරු භාග්‍යස්ථානයේ ද ශනි, කේතු 10, රාහු 4, රවි, සඳු, සිකුරු, කුජ හතේ ද ගෝචරය වේ. එම ග්‍රහ ගෝචරය ගැන සැලකීමේදී එතරම්ම ශුභදායක නොවේ. තම කටයුතු කරගෙන යාමේ දී බාධා අවහිරතා ඉස්මතු කළ හැකි බැවින් කල්පනාකාරීව ක්‍රියා කළ යුතුයි. වෘත්තීය සහ රැකියා කටයුතුවල ක්‍රමයෙන් දියුණුවක් ලබයි. ආර්ථික වශයෙන් ශුභදායකයි. විවිධ ක්ෂේත්‍රයන්ට යොමු වීමෙන් ආදායම් ලැබුව ද වියදම් ඉහළ යයි. මිල මුදල් සම්බන්ධ කටයුතුවලදී ප්‍රවේසම් වන්න. ගෙදරදොර කටයුතු මෙන්ම යුගදිවිය සම්බන්ධ කටයුතුවලදී ඉවසීමෙන් ක්‍රියා කළ යුතුයි. දරුවන්ගේ කටයුතු උදෙසා වෙහෙසේ. අධ්‍යාපන කටයුතුවල යෙදී සිටින අයට සිය උත්සාහයෙන් ප්‍රතිඵල ලැබිය හැකිය. උදරාශ්‍රිත රෝග, ලේ දූෂ්‍යාබාධවලින් ප්‍රවේසම් වන්න.
ජය වර්ණය- රන්වන්, අංකය- 03, දිනය- බ්‍රහස්පතින්දා
