කර්තෘ- ආචාර්ය පියසිරි පී. මීගොඩ
ප්‍රකාශනය- ගොඩගේ පොත් මැඳුර
විවිධ රටවල සංස්කෘතික, සමාජ, ඓතිහාසික තොරතුරු මූලාශ්‍රය බොහෝ විට සංචාරකයන්ට ලබාගත හැකි ය. නමුත් ඒවාහි එතරම් විශේෂ තොරතුරු ප්‍රමාණයක් හෝ කියැවීමේ රසයක් දැකගත නොහැකිය. ‘සුපිරි සිංගප්පූර්’ කියවන පාඨකයා ඒ ඔස්සේ මනසින් සිංගප්පූරු චාරිකාවක යෙදවීමට මෙම පොතේ කතුවරයාට හැකිවී තිබේ. ඊට හේතුව ඔහුගේ ලේඛකත්ව හැකියාව ඒ සඳහා අපූරුවට භාවිත කිරීමය.
සිංගප්පූරුව ශ්‍රී ලංකාව අතර ඇති සමීප සම්බන්ධතාව දේශපාලන, ඓතිහාසික, ආර්ථික තලයේ තබා සරලව අර්ථගත කළ හැකි ලෙස මෙවැනි කෘතියක් සම්පාදනය කිරීම අගනේ ය. මෙම පුස්තකය කියවා නිමකරන පාඨකයාට සිංගප්පූරුවට ශ්‍රී ලංකාවෙන් පිටත්වී අවශ්‍ය ස්ථාන නරඹා යළි පැමිණීමේ සංචාරක සජීවී බවක් ඇතිවීමට යොදාගෙන ඇති බස්වහර ඉවහල් වී ඇති බව පෙනේ.
