බල්ලයි පූසයි ඇඳ යටට වෙලා
දවසම කනවා නිදියනවා
මොනවා වෙලාද මන්දා
මට නම් තේරෙන්නෑ..
බල්ලයි පූසයි මටත් හොරෙන්
කොට්ට ටිකත් ඇඳ යටට අරන්
අම්මා ආවොත් මටත් බැණුම්
මට නම් තේරෙන්නෑ..
කෝ මේ ඇඳ ඇතිරිලි කොට්ටා
අම්මා ඇවිදින් දැන් ඇහුවා
ඇඳ යට සෙල්ලම් ගේ බලලා
බණියිද දන්නේ නෑ..
ඇඳ යට අපූරු සෙල්ලම් ගේ
කවුද පුතේ හැදුවේ
අද රෙදි සෝදන දවස නිසා
සෙල්ලම් කමක් නැතේ..
අම්මා කිව්වම මට සතුටුයි
පොගෝ සෙසී මගේ හොඳම යාලුවෝ
සෙල්ලම් ගේ දාලා දවසම දැන්
සෙල්ලම් කරමු තුටින්...