මා කියවූ හොඳම පොත වන්නේ “මඩොල් දූවයි”. එය රචනා කරන ලද්දේ “මාර්ටින් වික්‍රමසිංහ” සූරීන්. මඩොල් දූව යොවුන් නවකතාවකි. නමුත් එය බලා ලොකු කුඩා මහලු සියලු දෙනාටම කියවා වින්දනයක් ලබා ගත හැකි කෘතියකි. භාෂා කිහිපයකටම පරිවර්තනය වී ඇති මඩොල් දූව කෘතියෙන් අපට ගත හැකි ආදර්ශ බොහෝය. උත්සාහවන්ත වුවහොත් කරන්න බැරි දෙයක් නැති බව, තමන්ම තම අනාගත මාර්ගය සාදා ගත යුතු බව මඩොල් දූව කියවීමෙන් මා ලද ආදර්ශ කිහිපයකි.
මෙම කතාව කියවන විටෙක විනෝදජනකය, තවත් විටෙක ත්‍රාසජනකය. මෙහි ප්‍රධාන චරිත දෙක වන්නේ උපාලි හා ජින්නා ය. මොවුන් දෙදෙනා ගමින් පැන‍ගොස් විවිධ ස්ථානවල ජීවත් වෙන ආකාරය කතාවෙහි සඳහන් වන අතර අවසානයේ මොවුහු “මඩොල් දූව” නම් දූපතට පැමිණ එහි ජීවත් වෙති. එහි දී ඔවුන් විවිධ වික්‍රමයන් කරයි. එසේම විවිධ පුද්ගලයන් ද මුණ ගැසේ. මඩොල් දූවේ සිටින විට ඔවුන්ට විවිධ දුක් ගැහැට විඳින්නට සිදු වේ. එහෙත් ඔවුහු ඒවා උපායශිලිව ජය ගනිති. මෙම කරුණු නිසා “මඩොල් දූව” මා කියවූ හොඳම පොත වේ.
දුලිෂි සංජනා
10 ශ්‍රේණිය
සුජාතා විද්‍යාලය
මාතර
