සිරි ලංකාවේ නාමය දස අත පතුරන්නට සමතෙක් වෙමිනා
සැම ගත් කතුවරු ලේඛකයන් අතරින් මොහු රට තුළ ප්‍රකට වුණා
පුංචි ළමයි හද මන පුබුදන්නට වැඩියා වූ සක් දෙවි ලෙසිනා
මේ ලක් මව් බිම හෙළයේ බිහි වුණ විරුවෙකි ඔබ මුළු ලොව දිනනා
හීං සැරය හත් පණ ආදී වූ ළමා කතා හෙළ රස බසිනා
මඟුල් කෑම සහ විරිත් වැකිය හෙම තවත් කතා සුරතින් ලියුණා
හාවාගේ වග දොරට වැඩුම ලෙස කවි සිතිවිලි පද වැල් ගෙතුණා
මේ ලෙස රචිත වූ ගද්‍ය පද්‍ය කෘති සැම දන මන නිති තුටු කරනා
ගිය ගිය සැම තැන මොහුගේ දස්කම් පවනක් මෙන් සිසිලස ගෙනෙනා
පහළට ඇදෙනා නදියක් සේ සැම තැනක ම රස මුසු බස ගලනා
සැම බාධාවන් ජයගෙන දස්කම් පාමින් විස්මිත දේ කෙරුණා
කුමරතුංගයන්ගේ මේ අරුමය කෙසේ කියම් දෝ මට සිතුණා
කේ.ආර්. සඳලිකා නිකේෂලා
11 ශ්‍රේණිය,
විතාරන්දෙණිය මහ විද්‍යාලය,
විතාරන්දෙණිය.
