ඔබ-අප දකින සිහින පිළිබඳව ජ්‍යොතිෂ විග්‍රහයන් අතීතයේ සිටම සිදු කෙරිණි. මෙවර ඉසිවර කලාපයෙන් ද ඉදිරිපත් කෙරෙන සිහින කීපයක් පිළිබඳව ජ්‍යොතිෂයෙහි සඳහන් වන්නේ මෙලෙසිනි.
පණ්ඩිතයකු දැකීම - කැමැති පරිදි සැප විඳින්නට ලැබේ.
පවුලේ සාමාජිකාවකගේ මරණයක් - තම සමීපතමයකුට බරපතළ අනතුරක්
පට රෙදි - ඥාතියකු හෝ මිත්‍රයකු බලවත් දුෂ්කරතාවකට පත් වේ.
පරණ ඇඳුම් කට්ටලයක් - බලවතුන්ගෙන් ඇරියුමක් ලැබේ.
පබළු මාලයක් - දුරක සිටින්නවුන් සමඟ ඥාති සබඳතාවක් ඇති වේ.
පණුවන් පිරුණු වණයක් - හදිසියේම වස්තු ලාභයක් උරුම වේ.
පර ස්ත්‍රියක් / පුරුෂයෙක් වෙත යාම - අවිවාහක තරුණයකුට භාර්යාවක් ද, තරුණියකට පුරුෂයෙක් ද හිමි වේ.
පක්ෂීන්ගේ මාංස අනුභවය - බොහෝ වස්තුව ලැබෙන අතර, සුබ ආරංචි ද පුළුවන
පහුරක නැඟී ගඟකින් එතෙර වීම - අන්‍යයන් අතර ප්‍රධානත්වයට පත් වේ.
පල දරන ගස් දැකීම - ආදායම් තත්ත්වය ඉහළ යයි
පන්සලට යන අයුරු - සිතට වධ දෙන ගැටලුවක් නිමා වේ.
පහන් වැටක් - භූමි සම්පත් හිමි වේ.
පර වූ මල් - දැඩි සිත් වේදනාවක් විඳින්නට සිදු වනු ඇත.
පිළිහුඩුවා - තම ධනය විනාශව යන අන්දමේ කටයුත්තකට පැටලේ.
පුන්කලසක් - වස්තු සම්පත් ලැබෙන බවට පෙර නිමිත්තකි.
පුන්කලසක් කිසිවකු වෙතින් ලැබීම - වාසනාවන්ත පුත්‍ර ලාභයක්
පුරුෂ ලිඟුව - දරුණු විපතකට මුහුණපාන්නට සිදු වේ.
පුවක් - තමන් කරන්නට සූදානම් වූ කටයුත්ත අතරමඟ නවත්වන්න සිදුවේ.
පුරුෂයකු විසින් ස්ත්‍රියක සිප වැලඳ ගැනීම - තමාගේ බලාපොරොත්තු සපල කරගන්නට හැකියාව ලැබේ.
පුහුල් ගෙඩියක් - පදිංචි ස්ථානයට සතුරකු විසින් කොඩිවිනයක් කළ බව කියවේ.
පෙරහැරක් - තමාට විරුද්ධව පිරිසක් කටයුතු කරන්නට සූදානම්
පොල් - පුත්‍ර ලාභයක්
පොල් ගසක් - අහිමිව තිබුණ උරුමයක් හිමි වේ.
පොත් රාක්කය - සිත සතුටු වන අන්දමේ පණිවිඩයක් ලැබේ.
පොල් තෙල් පහන - දේව කෝපයකට ලක් වූ බව පෙනේ.
පොළඟා - තමාගේ පවුලේම උදවිය නිසා සිත් වේදනා හට ගනී.
බුලත්විට සපමින් සිටීම - සතුරු කරදරයක් මතු වේ.
බෙර වාදනයක් දැකීම හෝ ශ්‍රවණය වීම - තම සහෝදරයාට මරණය අත්වේ.
බේබද්දකු ගමන් කරන අන්දම - බලාපොරොත්තු සියල්ලම අසාර්ථක වේ.
භික්ෂුවක් - තම ඥාතියකුට දුර ප්‍රදේශයක දී විපත් සිදු වේ.
භික්ෂුණියක් - තදබල ලෙස කරදර ඇති වූ මතභේදයක් සමාදානය වේ.
මල් පල සහිත ගසක් - මහත් වූ වස්තුවක් ලැබේ.
මල් සහිත අඹ ගසක් - තමන්ගේ විවාහය සම්බන්ධයෙන් තීරණයක් ගනී.
මල් පල සහිත බෙලි ගස - අසනීප වී සිටි ඥාතියකු සුවපත් වේ.
මහනෙල් මල - මළගියවුන්ට අයත් ධනයකට උරුමයක් ලැබේ.
මවුපියන් විසින් වැලඳ ගැනීම - තමන්ට තිබු සතුරු කරදර දුරු වී ධනෝපාය එළිපෙහෙළි වේ.
මළමිනියක් පැමිණ බදා වැලඳගෙන නැටීම - මරණයට පත්වන තරමට විපත් සිදු වේ.
මහ වනයක් මැද නිදා සිටින අයුරු - තමා අන්‍යයන් වෙතින් ළඟඳීම තනි වීමට ඉඩ ඇති බව
යමදූතයින් / යමබල්ලන් - මාරාන්තික සිදුවීමක් හේතුවෙන් බලවත් දුකට පැමිණේ.
යමදූතයින් විසින් කෙනකු ඇදගෙන යාම - නියත වශයෙන්ම හදිසි මරණයක් උරුම වේ.
යහළුවකු සමඟ දබර වීම - නොසිතූ අයුරින් දුක් කරදර මතු වේ.
යකඩ ගොඩක් - ශෝකජනක ආරංචියක් ලැබේ.
රජුන් - ධනය මෙන්ම ඉහළ තත්ත්වයක් ද හිමි වේ.
රත්‍රන් / රත්‍රන් ආභරණ - කීර්තිය, ධන ලාභ, ජයග්‍රහණ හිමි වේ.
රසවත් ආහාර - සම්පත් මෙන්ම තමන්ගේ කීර්තිය ද වර්ධනය වේ.
රත්‍රන් අනුභව කිරීම - කරන කියන කටයුතුවලින් ජය ලැබේ.
රතු වස්ත්‍රයෙන් සැරසී සිටින අයුරු - අසුබ සිහිනයකි. ලෙඩ දුක්වලින් පීඩාවට පත්වේ.
රන් මාලයක් ගෙල පැලඳ සිටීම - සිටින තත්ත්වයෙන් ඉතා උසස් තත්ත්වයකට පත්වීමේ හැකියාව ලැබේ.
රජකයකු / රෙදි සෝදන්නකු දැකීම - හිතවතකු නිසා පාඩු විඳින්නට සිදු වේ.
රළු ගොරෝසු මතුපිටක නිදා සිටින අයුරු - ඉහළම පදවියකට පත් වේ.
රතු හරකෙක් - තමන් කරන කටයුතුවලින් නොසිතු අන්දමට වාසි අත් වේ.
