විදෙස් කවිය

අලසයා

ලෝභයෙන් නිමකළ

යානා යොදා ලෝ දන

වෙහෙස වී ලෝභයෙන්

සරයි නිරතුරු සක්වල

බිඳියි එහි නිසල නිකසළ බව

දැන් ඉතින් චිලි රටේ

ජීවය ලබා ඇත පලතුරු

සයුර හා කඳු වැටි අතර

මිදි ඉදී පැණි බේරෙයි

ගිටාරයේ තනුවට

නඟයි බාලිකාවෝ ගී නද

අසා ඊ තුරු පලද

යෙදෙයි රංගනයේ

දිලිසෙන ජලය හා එක් වී

ඉමිහිරි වයින් රස

නැ‍ඟෙයි මගෙ මතකයට

පළමුව වයින්

රෝසපැහැ ගැන්වෙයි

මුදුයි මොළකැටි බිලිඳකු සේ

දෙවැනුව ඒ වයින්

පැසී සැර ගැන්වී

රළුයි පරළුයි

නැවියකුගෙ හඬ සේ

මත් කරයි අබින් සේ

සයුරු තෙර මගේ නිවහන

පුළුල් වූ දෙනුවන්

ජම්බු පැහැයෙන් දිදුලන

මගේ අඹණිය

සපැමිණි රාත්‍රිය

හරිත පැහැ සුදු සළු

පොරවයි මහ සයුරට

ඉක්බිතිව සඳ කිරණ

වැටෙයි පෙණ පිඬු මත

දිස්වෙයි මහ සයුර

නිදි ගත් මනාලියක් සේ

රැඳෙන්නෙමි මා දිනු මිහිකතේ

නොසොයමින් නවලෝක සක්වලේ

පැබ්ලෝ නෙරූඩා 1940 දකුණු ඇමරිකාවේ චිලී රටේ උපත ලැබීය. මෑත භාගයේ ලතින් ඇමරිකානු කවියන් අතර නෙරූඩා ලාලිත්‍යයෙන් පිරුණු කවි නිර්මාණය කිරීමේ අති දක්ෂයෙකි. ඔහුගේ චරිතාපදාන කවි එකතුව 1982 වර්ෂයෙන් පසුව එළි දැක්වුණි. 1973 නෙරූඩා මොලොවින් සමු ගත්තේය. මේ ඔහුගේ The Lazy One නම් පද්‍යයේ සිංහල අනුවාදයයි.

ජේ.ජී.රණතුංග