ජාතික ජන බලවේගයේ සමස්ත ප්‍රතිපත්ති ප්‍රකාශය ලබන 26 වැනිදා එළි දක්වන බව ජාතික ජනබලවේගයේ ප්‍රකාශකයෙක් සිළුමිණට කීය.
රට ගොඩ නැඟීම පිණිස ජනතා විමුක්ති පෙරමුණ මුල් කරගත් ජාතික ජන බලවේගය එක් එක් ක්ෂේත්‍රයන්හි විද්වතුන් හා මහජන අදහස් ඇසුරෙන් මේ ප්‍රතිපත්ති ගොඩනඟා ඇති බව පෙන්වා දෙන ඒ පක්ෂය පවසන්නේ මේ වන විට ජාතික අධ්‍යාපන, ප්‍රතිපත්තිය හා සෞඛ්‍ය ප්‍රතිපත්තිය ඇතුළු ප්‍රතිපත්ති රැසක් එළි දක්වා ඇති බවයි.
පරිසර ප්‍රතිපත්තිය, කෘෂිකර්ම ප්‍රතිපත්තිය, ප්‍රවාහන ප්‍රතිපත්තිය ඇතුළු මේ දක්වා එළි නොදැක්වූ ප්‍රතිපත්තිද ඇතුළත්ව මේ වන විට එළි දක්වා ඇති ප්‍රතිපත්ති සියල්ල එක් කර මේ සමස්ත ප්‍රතිපත්තිය මෙසේ එළි දක්වන බව ඒ ප්‍රකාශකයා වැඩි දුරටත් පැවසීය.
