වී අලෙවි මණ්ඩලය විසින් වී මිල දී ගැනීමට සුදානම් නමුත් ගොවීන් විසින් වී අලෙවි මණ්ඩලයට වී ලබා නොදෙන බව කෘෂිකර්ම අමාත්‍ය මහින්ද අමරවීර මහතා කියා සිටියි.
ඊයේ(04) මාධ්‍ය හමුවක දී අදහස් දක්වමින් ඇමතිවරයා කියා සිටියේ කවර අවස්ථාවක වුවත් අවශ්‍ය ප්‍රමාණයකින් වී මිල දී ගැනීමට වී අලෙවි මණ්ඩලය සුදානම් බවත්, වී අලෙවි මණ්ඩලයේ ඕනෑම වී ගබඩාවක් විවෘතව තැබීමට අවශ්‍ය පියවර ගෙන තිබෙන බවත්ය.
නමුත් දැනට රජය සතුව වී ප්‍රමාණවත් තරම් වී සහ සහල් සංචිත නොමැති බවද අමාත්‍යවරයා පැවසීය.
