සිම්බාබ්වේ හිටපු ක්‍රිකට් නායකයෙකු හා පුහුණුකරුවෙකු වන හීත් ස්ට්‍රික් අභාවප්‍රාප්ත වී ඇති බවට පල වන විවිධ මාධ්‍ය වාර්තා අසත්‍ය බව සිම්බාබ්වේ හිටපු වේග පන්දු යවන ක්‍රීඩකයෙකු වන හෙන්රි ඔලොන්ගා පවසයි.
X සමාජ මාධ්‍ය ගිණුමේ සටහනක් තබමින් ඔහු සදහන් කළේ හීත් ස්ට්‍රික් ජීවතුන් අතර සිටින බවයි.
ඔහු හා හීත් ස්ට්‍රික් අතර සිදු වූ WhatsApp පණිවිඩ හුවමාරුවක් ද ඔහු සාක්ෂි වශයෙන් X සටහනට එක් කර ඇත.
කෙසේ වෙතත්, මීට පෙර හීත් ස්ට්‍රික් මියගොස් ඇති බව ද Henry Olonga විසින් සිය X ගිිණුමේ මෙලෙස සටහන් කර තිබුණි . මේ වන විට හීත් ස්ට්‍රික් ද මෙම අසත්‍ය පුවත පිළිබද අදහස් දක්වමින් සිය කනගාටුව පල කර තිබේ.
මෙම අසත්‍ය ප්‍රවෘත්තියෙන් බදාදා උදෑසන, ක්‍රිකට් ලෝකය කම්පනයට පත් වූ අතර, එය සිදු වූ පරිදි, වයස අවුරුදු 49 දී ස්ට්‍රීක් පිළිකාවට එරෙහි සටනින් පරාජය වූ බව වැරදි ලෙස වාර්තා විය.
සිම්බාබ්වේ ප්‍රකාශනය වන ද ක්‍රොනිකල් විසින් උපුටා දක්වන ලද පරිදි, "හීත්ට සනීප නැත, නමුත් ඔහු හොඳින් සිටියි. ඔහු මෙහි ගොවිපලේ ඇවිදිමින් හා විහිළු තහළු කරමින් සිටී" යැයි හීත් ස්ට්‍රික්ගේ මව කැරන් පවසා ඇත.
පවුලක් වශයෙන්, අපි මෙම ප්‍රවෘත්තියෙන් කලබලයට පත්ව සිටින බවද ඇය සදහන් කර තිබේ.
