කෘතියේ නම - දත් බලන්න කට ඇතුළට
කර්තෘ - නුවන් තොටවත්ත
ප්රකාශක - සමයවර්ධන පොත්හල
මිල - 785/= පිටු ගණන - 24
විමසීම් - 0112 683 986
කුඩා දරුවන් දැනගතම යුතු විද්යාත්මක කරුණු නිවැරදිව සහ ඔවුන්ට පහසුවෙන් සහ කැමැත්තෙන් කියවා තේරුම් ගත හැකි ලෙස වෛද්ය නුවන් තොටවත්ත විසින් රචිත මේ කෘතිය දන්ත සෞඛ්යය පිළිබඳ දැනුම්වත් කරන අපූරු කෘතියකි. ග්රැෆික් නිර්මාණ ශිල්පියකු ලෙස රාජ්ය සේවයේ නියුතු නුවන් චතුරංග විසින් අඳින ලද ඉතා අලංකාර විචිත්රවත් චිත්ර නිසා කුඩා දරුවන්ගේ සිත්ඇදගන්නා ලෙස කෘතිය නිර්මාණය කර ඇත.
කෘතියේ නම - අපරාධ අධිකරණයක
සංක්ෂිප්ත ක්රියා පටිපාටිය
කර්තෘ - පී. ඩබ්ලිව්. ජයතිලක
කර්තෘ ප්රකාශනයකි
මිල - 400/=
පිටු ගණන -180 විමසීම් - 0112 929 641
ශ්රී ලංකා ශ්රේෂ්ඨාධිකරණයේ අධි නීතිඥ පී. ඩබ්ලිව්. ජයතිලක විසින් රචිත මේ කෘතියෙන් අපරාධ අධිකරණයක සංක්ෂිප්ත ක්රියා පටිපාටිය පියවරෙන් පියවර විග්රහ කෙරෙන අතර, අපරාධ නීතිය පිටුපස ඇති මූලික කරුණු තේරුම් ගැනීමට ද උපකාරී වේ. මේ සම්බන්ධයෙන් ඉංග්රීසි භාෂාවෙන් රචිත පොත්පත් සුලබ වුවද සිංහල බසින් රචිත පොත් දුලබ බැවින් මේ කෘතිය නීති ශිෂ්යයන්ට මෙන්ම මේ පිළිබඳ උනන්දුවක් දක්වන ඕනෑම අයකුට ඉතා ප්රයෝජනවත් කෘතියකි.
මීට අමතරව කතුවරයා විසින් රචිත ‘නීතිය සහ නීතියේ ඉතිහාසය’ නම් කෘතිය මේ වන විටත් බොහෝ දෙනාගේ අවධානය දිනාගත් කෘතියකි.
කෘතියේ නම - මඩේ පිපුණු මල්
කර්තෘ - ඩබ්ලිව්.ඒ. විජේවර්ධන - කර්තෘ ප්රකාශනයකි
මිල - 450 /= පිටු ගණන -104
විමසීම් - 0777778 626
ප්රවීණ ආර්ථික විශේෂඥයකු ලෙස ප්රකට ශ්රී ලංකා මහ බැංකුවේ හිටපු ජ්යෙෂ්ඨ නියෝජ්ය අධිපතිවරයකු වන ඩබ්ලිව්.ඒ. විජේවර්ධන සිංහල හා ඉංග්රීසි භාෂා ද්විත්වය මනා ලෙස හසුරවමින් ලේඛනයේ යෙදෙන ස්වාධීන ලේඛකයෙකි. සාහිත්ය නිර්මාණ රැසක කතුවරයා වන හෙතෙම ආර්ථික විද්යාව පමණක් නොව ඉතිහාසය, බුදු දහම, සංස්කෘතිය වැනි ඕනෑම විෂයක් යටතේ කරුණු ඉදිරිපත් කිරීමේ සමතෙකි. ඔහු විසින් රචිත කෙටිකතා කිහිපයක් සහ කාව්ය නිර්මාණ කිහිපයක් මේ කෘතියට ඇතුළත්ය. මෙහි එන කෙටිකතා කල්පිත ආඛ්යාන කෙටිකතාවකට පොදු ලාක්ෂණික ගුණයෙන් මෙන්ම කාව්යමය ගුණයෙන් ද අනූනය. ප්රේමය, ලාලසාව, ස්වයංවරය, සහ ශුංගාරය ආදී මානවීය සබඳතා පිළිබඳ කතුවරයාගේ නූතන චින්තනයක් ලිබරල් නිදහස්කාමී අදහස් මේ කෘතිය තුළින් මනාව නිරූපණය වේ.
කෘතියේ නම - බැංකු අර්බුදය
අනුවාදක - බොබී. ජී. බොතේජු
ප්රකාශක - ඇස්.ගොඩගේ සහ
සහෝදරයෝ
මිල - 450/= පිටු ගණන -152
විමසීම්- 0112 685 369
මේ කෘතිය බැංකු අර්බුදය නම් සම්භාව්ය ඉන්දීය කෙටිකතාවල සිංහල අනුවාදයයි. ලෝ ප්රකට ලේඛකයන් විසින් ලියන ලද කෙටිකතා 16ක් මෙම කෘතියට ඇතුළත්ය.
කෘතියේ නම - ජිනඃ ජිනකං ජිනඃ පට්ටං
කර්තෘ - චමත්කා විමංසි දිසානායක
කර්තෘ ප්රකාශනයකි
මිල - 250/= පිටු ගණන -110
විමසීම් -0718 107 753
රත්නපුර සීවලී මධ්ය විද්යාලයේ 11 වැනි ශ්රේණියේ ඉගෙනුම ලබමින් සිටියදී චමත්කා විමංසි විසින් ‘රටක් වටින පොතක්’ නම් පොත් ව්යාපෘතිය වෙනුවෙන් රචනා කරන ලද්දකි. වසර 80කට පමණ පෙර ශ්රී ලංකාවේ ජන ජීවිතය, ගැමි සංස්කෘතිය පිළිබඳ මනා ලෙස ඉදිරිපත් කර ඇත.
