ඉකුත් ලිපියෙන් ගණදෙවි පූජාව සිදු කරන අයුරු දැනුම්වත් වූ ඔබට මෙවර ගණදෙවි පූජාවක් සහ ස්තෝත්‍ර දැහැන් පිළිබඳ දැනුම්වත් භාවයක් ලබාදීමට අදහස් කළෙමි.
ගණදෙවියන්ගේ පිහිට ඉල්ලා ගණදෙවියන් ආමන්ත්‍රණය කරන නාමයන් බොහෝ ඇති බව ඔබ නොදන්නවා ඇත. විශ්වයේ සෑම අස්සක් මුල්ලක් නෑරම මෙම නාමයන් භාවිත කරමින් පිහිට ඉල්ලා සිදු කරනු ලබන බොහෝ පූජාවන් ඇත. ගණ දෙවියන්, ගණපති, වල්ලභායි ගණෝෂ, ශක්ති ගණෝෂ, බාල ගණෝෂ, වීර ගණෝෂ, පෝරම්භ ගණෝෂ, බුද්ධි ගණෝෂ, බරතී ගණෝෂ, සිද්ධි ගණෝෂ යනුවෙන් විවිධ නාමයන්ගෙන් යුත් ස්තෝත්‍රවලින් යැදීමටත් ඒවා පාඩම් කරගෙන එමඟින් ගණදෙවියන්ගේ පිහිට යැදීමෙන් බොහෝ යහපත් ප්‍රතිඵල ලබාගත හැකිය.
ගණදෙවි පූජාවක් කරන විට ප්‍රථමයෙන්ම ගණදෙවි නමස්කාරය ගායනා කර තමන්ගේ භක්තිය විශ්වාසය ප්‍රකාශ කිරීමෙන් පූජාව ආරම්භ කළ හැකිය.
1. නමස්කාරය - ඕං විග්ණේෂ් වරාය නමඃ
යනුවෙන් නමස්කාරය සිදුකර ඉන්පසුව ගණපති මූල මන්ත්‍රයෙන් ආමන්ත්‍රණය කරන්න.
2. මූල මන්ත්‍රය - ඕම් ශ්‍රීම් ප්‍රීම් ග්ලම් ග්ලොම් යනුවෙන් ආමාන්ත්‍රණය සිදු කර ඉන් පසු පූජාව පිළිගැනීම සඳහා ආරාධනාව කියනු ඇත. එනම්,
3. ගණපති ආරාධනය - ඥනේශ්වර ලම්බෝධර කර්ණ විලම්භීතං යනුවෙන් ආරාධනා කර ඔබට ගයාත්‍රි මන්ත්‍රයක් ද ගායනා කළ හැකිය. එනම්,
4. ගයාත්‍රි මන්ත්‍රය ඕං තත්පුරුෂය විද්මනේ - තත්පුරුෂාය විද්මහේ වක්‍රතුණ්ඩාය ධීමහීයනුවෙන් ගායනා කර පූජාව සිදු කළ හැකිය.
ගණදෙවියන් සඳහා බොහෝ අය සිදු කරනු ලබන සරල එහෙත් බොහෝ බලවත් ගෙදරදී ඇති ගණදෙවි රූපයට පූජාව සිදු කළ හැකි මේ පූජාව ‘කලාසම් පූජාව’ යනුවෙන් හඳුන්වා ඇත. ඒ සඳහා ඔබ කුඩා නැවුම් කලයක් හෝ පිත්තල සෙම්බුවක්, අඹ කොළ 5ක්, ඇස්දෙක වැසෙන සේ මුඩ්ඩ සුද්ධ කරගත් පොල් ගෙඩියක්, සුදු සහල් ස්වල්පයක්, පිරිසුදු තැටියක් සුදු සහ කහමල්, දාස්පෙතියා මල් මාලයක්, තින්නෝරු හෙවත් සාම්බ්‍රානි ස්වල්පයක්, සින්දුර් සහ සුදු සඳුන් ස්වල්පයක් සූදානම් කර ගන්න.
කුටිය මතට සුදු සහල් අතුරා ඒ මත පිරිසුදු ජලයෙන් තුන් කාලක් පමණ පුරවා කලය තබන්න. එහි මුව විවරය වටා අඹ කොළ 5ක් තැන්පත් කර (නටුව ඇතුළට) ඒ මත පොල් ගෙඩිය තැන්පත් කරන්න. එම පොල් ගෙඩියේ මුඩ්ඩ ප්‍රදේශය තින්නෝරු ආලේප කර ඒ මත සින්දුර් ගල්වා එහි මැදට වන්නට සුදු හදුන් ආලේප කරන්න. ඉන් පසු කුටියේ ඇති කලය වටා මල් මාලාව තැන්පත් කරන්න. මෙයින් ගණදෙවියන්ගේ රූපය විරාජමාන වන බව හින්දු බැතිමතුන්ගේ විශ්වාසයයි. ඔවුන් ඉතා භක්තියෙන් විශ්වාසයකින් මෙම කලාසම් සූදානම සිදු කරන අතර, බොහෝ හින්දු කෝවිල්වල මෙම පූජාව සඳහාම වෙන් කරන ලද පිත්තල සෙම්බු මෙන්ම කලාසම්වල අඹ කොළ සහිතව සාදන ලද සෙම්බු ද ගෞරවයෙන් තබාගෙන ඇත.
මෙම පූජාව ඔබට නිවෙසේදී මෙන්ම දෙවොලකදී වුවද සිදු කළ හැකි අතර, මල් සහ බුලත් අලුතින් භාවිත කර දින 3ක් පමණ සිදු කළ හැකිය. මෙම කලාසම දෙපස පොල්තෙල්වලට ගිතෙල් ස්වල්පයක් මිශ්‍රකර පහන් වැටි දෙකක් දල්වන්න. දින 3 අවසානයේ එම පොල්ගෙඩිය බිඳ දේව රූපය දෙපස තබා පහන් දල්වන්න. එය කිසි දිනක පොල් ගැසීම සඳහා භාවිත නොකරන්න. මෙය භක්තියෙන් විශ්වාසයෙන් යුතුව සිදු කර ගණදෙවි පිහිට ලබා ගන්න. විශේෂයෙන් දුවා දරුවන්ට විශේෂිත වන මෙය සෑම කරුණකදීම ඔබට පිහිට ඉල්ලා සිදු කළ හැකිය.
1.නමස්කාරය
ඕං විග්නේෂ්වරාය නමඃ,
ඕං සුමුඛායේ නමඃ,
ඕං ඒක දන්තා ඒක නමඃ,
ඕං විකදායි නමඃ,
ඕං විග්ණ රාජායේ නමඃ,
ඕං බාලචන්ද්‍රායෙ නමඃ,
ඕං වක්‍රතුණ්ඩායේ නමඃ,
ඕං ස්කන්ධ රුපායේ නමඃ,
ඕං සිද්ධි ගණපතයේ නමඃ,
ඕං සර්ව පරමේෂ්වරායේ නමඃ,
ඕං විග්නේෂ්වර ස්වාමියෙ නමඃ.
2.ගණපති මූල මන්ත්‍රය
ඕම් ශ්‍රිම් හ්‍රීම් ක්ලිම් ග්ලොම් ගම් ගණපතයේ වර වරද සර්ව ජනම් මේ
3.ගණපති ආරාධනාව
ඥානේශ්වර ලම්බෝධර කර්ණ විලම්බීතං,
හස්තාධර මෝදක මූෂික වාහන නිත්‍යං,
හස්ති වක්‍රාධර මති ශ්‍රේෂ්ඨ දන්ත භින්නං,
පුෂ්පාසන සම්භොගි ශ්‍රි ගණේෂ දේවං.
4.ගයාත්‍රී මන්ත්‍රය
ඕං තත්පුරුෂාය විද්මහේ වක්‍රතුණ්ඩාය ධීමහී තනෝ තන්ජී ප්‍රචෝදයාත්
