ජනාධිපතිවරයාට හෝ ආණ්ඩුවට හෝ රට ඉදිරියට ගෙන යාමට කිසිදු වැඩපිළිවෙළක් නොමැති බවත් වත්මන් අර්බුදයට විසඳුම මහ මැතිවරණයක් පවත්වා ජනතාව අපේක්ෂා කරන රජයක් පිහිටුවීම බවත් ජනතා විමුක්ති පෙරමුණේ මධ්‍යම කාරක සභික සමන්ත විද්‍යාරත්න සිළුමිණට කීය.
අරගලයෙන් ජනතාව ඉල්ලා සිටියේ දේශපාලන ආර්ථීක හා සමාජීය වෙනසක් වුවත් වර්තමානයේ සිදුව ඇත්තේ ජනාධිපතිවරයා බලයට පත් කිරිමට සහාය ලබා දුන් මන්ත්‍රීවරුන් ආරක්ෂා කිරීම බවත් එයින් ජනතාවට සහනයක් නොලැබෙන බවත් ඔහු පෙන්වා දුන්නේය. ජනාධිපතිවරයා වරින් වර ජනතාවට පවසන්නේ ඉදිරි මාස කිහිපය ඉතාම දුෂ්කර වනු ඇති බව යැයිද විද්‍යාරත්න මහතා පවසයි.
