කොවිඩ් 19 වයිරස් ව්‍යාප්තියේ වර්ධනයක් මේ වන විට පෙන්නුම් කරන බැවින් හැකි ඉක්මනින් එන්නත්කරණයට යොමු විය යුතු බව වසංගත රෝග විද්‍යා අංශයේ වැඩ බලන අධ්‍යක්ෂ විශේෂඥ වෛද්‍ය සමිත ගිනිගේ ජනතාවට දන්වා සිටියි. මෙම වසරේ ජූනි මාසය වන තුරු කොවිඩ් රෝගින්ගේ දෛනික වාර්තා වීම 20 කට අඩු වුවත් පසුගිය සති 2 ඇතුළත එය ශිඝ්‍ර ලෙස ඉහළ ගොස් තිබේ. දැන් දිනකට වාර්තා වන රෝගින් ගණන සියය ඉක්මවයි. පසුගිය මාස දෙක තුළ පටන් ගෝලීය වශයෙන් කොවිඩ් ව්‍යාප්තියේ වර්ධනයක් දක්නට ලැබෙන අතර මේ ආකාරයට වර්ධනය වන විට වයිරස් අනු ප්‍රභේද ඇති වන බවත් එම අනු ප්‍රභේද ඉතාමත් ක්‍රියාකාරි වන බවත් ව්‍යාප්තිය වේගවත් බවත් සඳහන් කරන විශේෂඥ වෛද්‍ය සමිත ගිනිගේ ඊට එකම විසඳුම එන්නත්කරණය බව පවසයි.
