සමහර සබඳතා ආරම්භ වෙන්නෙ ලජ්ජාශීලී පෙනුමෙන් සහ ඇගේ අත ගැනීමට ලජ්ජාශීලීව කරන උත්සාහයක් වගේ දේකින් වෙන්න පුළුවන්. සමහර සම්බන්ධතා ගොඩනැගෙන්නෙ දෙදෙනාගේ ඇස් එකිනෙකාට කරන ඉඟියකින් වෙන්න පුළුවන් . සබඳතාවයකට වචන වගේම ශරීර භාෂාවත් ගොඩක් වැදගත්. වචනයෙන් නොකියන ගොඩක් දේවල් ශරීර භාෂාව අධ්‍යයනය කිරීමෙන් තේරුම් ගන්න පුළුවන්.
ආදර සම්බන්ධතාවකදී සිදුවන්නේ කුමක්ද කියන එක වචනවලින් තොරව තේරුම් ගන්නෙ කොහොමද?
1. ඔයාගෙ සහකරු හෝ සහකාරිය ඔයාගෙ ඇස්වලට මුණගැහෙනකොට එයා ඔයාගෙ ඇස් දෙක දිහා ඔයා හිතනවට වඩා වැඩි වෙලාවක් බලාගෙනම ඉන්නවා නම් සහ ටික වෙලාවකට පසුව ආයෙත් ඒ විදිහටම බලන් ඉන්නවා නම් එයා ඔයාට කැමතියි.
2. සංවාදයකදී හෝ ඇවිදීමකදී ඔයාගෙ සහකරු හෝ සහකාරිය එයාගෙ ශරීරය ඔයා වෙතට හරවා ගන්න උත්සාහ කරනවා නම්, ඒකෙන් කියවෙන්නෙ එයා ඔයා ගැන ගොඩක් උනන්දුයි කියලයි. ඒ කියන්නේ එයා ඔයාගෙ අවධානය බලාපොරොත්තු වෙන්වා.
3. කාන්තාවක් ඔයාට කැමති නම්, ඇය නොදැනුවත්වම තම කොන්ද කෙළින් තබාගෙන ඇයගේ ශරීරයෙන් ඔයාගෙ දෙසට නැමෙන්න උත්සාහ කරනවා. එමඟින් ඇගේ රූපයට වඩා හොඳ පෙනුමක් ලැබෙනවා.
4. පිරිමින්, මේ අවස්ථාවේ දී, විශාල හා ශක්තිමත් පෙනුමක් ලබා ගැනීමට උත්සාහ කරනවා. උරහිස් කෙළින් කරනවා. සංවාදයක් අතරතුර, එයාලා සමහර විට ඔයාගෙ උරහිස් මට්ටමින් බිත්තියකට හේත්තු වෙනවා.
5. හේතුවක් නැතිව වුණත්, ඔයාලා දෙන්නගෙ දෑත් අහම්බෙන් ස්පර්ශ වන බව දැනුණොත් ඒ කියන්නෙ දෙන්නා දෙන්නට කැමතියි.
6. විහිළුවක් කළාට පසුව, එය පැවසූ පුද්ගලයා ඔයාගෙ දිහා බලාගෙන ඔයාගෙ ප්‍රතිචාරය බලාපොරොත්තුවෙන් ඉන්න බව ඔයා දැකලා ඇති. ඒකත් කැමැත්තේ පැහැදිලි සලකුණක්.
7. පිරිමින් සාමාන්‍යයෙන් වයස අවුරුදු 5-6 පමණ වන විට පුළුල් ලෙස සිනාසීම නතර කරනවා. ඔයාගෙ ළඟ ඉන්න කෙනෙක් ලස්සනට හිනා වෙලා ඉන්නවා නම් එයා ඇත්තටම සතුටින් ඉන්න බව කියන්න පුළුවන්.
8. යම් පුද්ගලයෙක් ඔයා කරන අභිනයන් සහ ස්වර භාවිත කරන්න පටන් ගෙන ඇති බව ඔයාට දකින්න ලැබුණොත්, එයින් අදහස් වන්නේ එයා ඔයාගෙ අලුත් රසිකයෙක් හෝ එයා ඔයාව විහිළුවට ලක් කරන්න උත්සාහ කරන බවක් නෙවෙයි. එයා ඔයාට කැමති බවයි.
9. ඔයා සෑමවිටම ඔයාගෙ සහකරුට හෝ සහකාරියට යමක් පැවසීමට උත්සාහ කළත් ඒක කතා කරන්න අපහසුයි නම්, ඇගේ ශරීරය ඔයාගෙන් ඉවතට හැරී ඇත්නම්, එයා ඔයාගෙ ඇස් දිහා නොබලමින් දුරස්ථව සිටීමට උත්සාහ කරනවා නම් එයා ඔයාට කැමති නෑ.
10. සහකරු නින්දට වැටෙන විට, ඔයාගෙන් ඉවතට හැරී නිදා ගන්නවා නම්, ඒක ඔයාගෙ සම්බන්ධතාවට අනතුරු ඇඟවීමේ සීනුවක්.
11. ඔයා විහිළුවක් කළත් එයා ගණන් ගන්නෙ නැත්නම්, ඔයා කියන දේවල් පවා උනන්දුවෙන් අහගෙන ඉන්නෙ නැත්නම් එයින් අදහස් වෙන්නෙ ඔයාගෙ සහකරු ඔයා ගැන උනන්දුවක් නොදක්වන බවයි.
12. සංවාදයකදී ශරීරය “අවහිර කිරීම”, එනම් හරස් අතට සහ කකුල්, ඔබේ සම්බන්ධතාවයේ සෑම දෙයක්ම හොඳින් තිබේදැයි සිතා බැලීමට හේතුවක් වේ. ඔහුගේ කටහඬ අපැහැදිලි නම්, ඔහුගේ කතාව තියුණු නම්, ඔහුගේ ඇස් නිතරම පහත් නම්, එයට අවධානය යොමු කිරීම වටිනවා.
13. ඔයාගෙ සහකරු ඔයාට දොර විවෘත නොකිරීම හෝ ඔයාට මුලින්ම යෑමට ඉඩ නොදීම වගේ සරල ආචාර ධර්ම අනුගමනය කරන්නෙ නැත්නම් ඒ ගැන සැලකිලිමත් වෙන්න.
14. ඇවිදීමේදී, සහකරු ඔයා දිහා බලන්නෙවත් නැතුව ඔයාගෙ ඉස්සරහින් ගමන් කරනවා නම් හෝ වේගය අඩු කරන්නේ නැත්නම්, එයින් අදහස් වෙන්නෙ ඔයාලගෙ සම්බන්ධතාව වියැකී යෑමට පටන් ගෙන ඇති බවයි.
15. ආදරණීය මිනිසුන් තම ආදරණීයයන් ගැන සැලකිල්ලක් දක්වනවා. ඇඳුමේ අඩුපාඩුවක් තමන්ගෙ අතින්ම හැදීම හෝ කොණ්ඩෙ අවුල් වෙලා නම් ඒක එයාගෙ අතින්ම හදනවා වෙනුවට ඒක හදාගන්න කියලා ඔයාට කියනවා නම් ඒ ගැන ටිකක් හිතලා බලන්න.
ආදරය සුන්දර වෙන්න නම් දෙදෙනාගේම ගති පැවතුම් වැදගත් වෙනවා.
(අන්තර්ජාලය ඇසුරෙන්)
