Tjc අඹ මවන රස­ ම­ස­වුළු

Tjc අඹ ලොවේ රජු ලෙස පිළිගැනීමට විශේෂ හේතු කාරණා ගණනාවක් තිබුණි. එයින් කිහිපයක් පසුගිය සතියේ අපි කතාබහට ලක් කළෙමු. Tjc අඹ අන් අඹ මෙන් නොව විශේෂත්වයන් ගණනාවකින් අංග සම්පූර්ණ වූ වාණිජ වෙළඳාමෙහි වාසිදායක පැතිකඩක් විවර කරන්නාවූ රසයෙන් අනූන වූ අඹ විශේෂයකි.

අද කතා කරන්නේ මෙම Tjc අඹ ගෙඩියේ තවත් විශේෂත්වයන් කිහිපයක් පිළිබඳවය. මේ අඹ විශේෂය වෙළෙඳ පොළේ වඩාත් ජනප්‍රිය වී ඇත්තේ අන් අඹ මෙන් නොව මෙහි පවත්නා වැඩි මාංශල ප්‍රමාණයකින් යුතු රසවත් බව නිසා මෙයින් නිපදවා ගත හැකි අතුරු නිෂ්පාදන නිසාවෙනි.

මේ Tjc අඹ ගෙඩියේ ඇති මාංශල ප්‍රමාණය අන් අඹ මෙන් නොව විශාල ප්‍රමාණයකින් යුතුවීම මෙලෙස අතුරු නිෂ්පාදනයන් සෑදීමට ඉවහල් වී ඇත.

මේ අතුරු නිෂ්පාදන ගුණාත්මකබවකින් මෙන්ම රසවත් බවකින්ද යුතුවීමට ප්‍රධාන හේතුවක් වී ඇත්තේද මෙහි ඇති අධික රසවත් මාංශල ප්‍රමාණයයි. මේ වන විට දේශීය මෙන්ම විදේශීය වෙළෙඳපොළේද මෙම Tjc අතුරු නිෂ්පාදනයන් ඉතා වේගයෙන් ව්‍යාප්ත වෙමින් පවතියි. මේ අතර Tjc අඹ ජෑම් ( Tjc Mango Jam) , Tjc අඹ චට්නි ( Tjc Mango Chutney), වියළි Tjc අඹ ( Tjc Dried Mango ), Tjc අඹ පල්ප ( Tjc Mango Pulp), Tjc අඹ කැබලි ( Tjc Mango Chunks), Tjc අඹ යුෂ ( Tjc Mango Nectar ) ඒ අතර ප්‍රධානය. Tjc අඹ ජෑම් මෙන්ම Tjc අඹ චට්නි යනු වෙළෙඳ පොළේ ඇති ඉතා රසයෙන් ප්‍රණීත නිෂ්පාදනයක් වන අතර දේශීය වට්ටෝරුවකට අනුව නිෂ්පාදිත මෙහි ගුණයන් ඉහළින්ම පැවැතීම වැදගත් ලක්ෂණය වන අතර මෙහි කෘතීම රස කාරක, වර්ණක ආදිය කිසිවක් එකතුකර නොතිබීම ප්‍රධාන ලක්ෂණයක් වේ.

මේ නිසා ලොකු කුඩා සියලු දෙනාට කිසිදු අහිතකර බවකින් තොරව මෙය ආහාරයට ගත හැකිය. වෙළෙඳ පොළේ ඉතා ඉහළ ඉල්ලුමක් පවතින වියළි Tjc අඹද ලාභදායි නිෂ්පාදනයක් වන අතර මේ සඳහා ඉහළ ඉල්ලුමක් පවතියි. Tjc වියළි අඹ කිලෝ 1 ක් නිපදවීම සඳහා Tjc අමු අඹ (Raw Mango) කිලෝ 10 ක් අවශ්‍යවන අතර වියළීමේදි අඹවල ඇති ජල ප්‍රමාණය පමණක් ඉවත් කරන අතර පෝෂණීය ගුණය හා අනිකුත් ලක්ෂණයන්ද නොවෙනස්ව පවතියි. මේ සඳහා කෘත්‍රීම වර්ණක ,මෙන්ම රසකාරක හා සීනි කිසිවක් භාවිතා නොකරන අතර පෝෂ්‍යදායි සෞඛ්‍ය සම්පන්න ආහාරයක් ලෙස නොබියව පරිභෝජනය කළ හැක.

මෙම ක්‍රමය මඟින් අවාරයේදි මෙන්ම පලතුරු වාව­ාගත නොහැකි ප්‍රදේශ හා රටවල අයටද මේ අඹ භාවිතා කළ හැකිවීම විශේෂත්වයකි.

Tjc අඹ වර්ගයේ තවත් අතුරු නිෂ්පාදනයක් වන්නේ Tjc අඹ කැබලි හෙවත් Tjc Mango Chunks ය. මේ අඹ කැබලි ආහාරයට ගතහැකි ලෙස කැබැලිකර ඇති අතර රසකාරක, වර්ණක මෙන්ම සීනි අන්තර්ගත කර නොතිබීම විශේෂත්වයකි. එමනිසා වයස්ගත වැඩිහිටියන්ට මෙන්ම දියවැඩියා රෝගීන්ට,හෘද රෝගීන්ටද මෙය නොබියව පරිහරණය කළහැක.

මීට අමතරව තවත් රසවත් අතුරු නිෂ්පාදනයක් වන්නේ Tjc අඹ යුෂ හෙවත් Tjc Mango Nectar ය. මේ සඳහා ඉඳුණු අඹ මෙන්ම අමු අඹද යොදාගත හැකිවීම විශේෂත්වයකි. වර්තමානය වන විට පලතුරු බීම නිෂ්පාදනයෙහිලා ඉතා වැදගත් අවශ්‍යතාවයක් වන Tjc අඹ පල්ප හෙවත් Tjc Mango Pulp නිපැයුම මෙහි තවත් අතුරු නිශ්පාදනයකි. මෙය ස්වභාවික Tjc අඹ වලින් නිපදවනු ලබන අතර මෙය නිෂ්පාදන ක්‍රියාවලියේදි Tjc අඹ ගෙඩියේ රසය,ගුණය හා පැහැය යන සියල්ලම නොවෙනස්ව පවතියි.

මේවාටද කෘතීම රසකාරක කිසිවක් අඩංගු නොවන අතර රසයෙන් මෙන්ම ගුණයෙන්ද අනූනය. මේ වන විට දඹේවටන එල්ලාවල ගොවිපළ හරහා මේ තාක්ෂණික දැනුම බෙදන අතර රටට මේ අගනා නිෂ්පාදනයන් බෙදා දෙන එකම ආයතනයද වෙයි.

ඡායාරූප හා තොරතුරු ලබා දීමේදි සහය වූ ගල්කිරියාගම දඹේවටන එල්ලාවල ගොවිපළේ කළමනාකරු වීරසූරිය බණ්ඩාර මහතාට ස්තූතිය

සුභාෂිණි ජයරත්න