විරු ගීය මේ වේ ද?

අප කාට කාටත්,
කිනම් කලෙ­කදි හෝ
නොසි­ටියේ ද වි‍රුවෙක්
නොසි­ටි‍යාද වීර­ව­රි­යක්

අප වීර­ව­ර­යන්, වීර­ව­රි­යන්
ලෙසින් සැලකූ ඇතැ­මුන්
අපෙන් ගරු බුහු­මන් ලැබ
ඈත් වී ගිය හේතු මත­කද?

ඇතැම්හු අප සිත්ව­ලින්
ගිලිහී ගිය­හුද, නිර්මෝ­හ­නය වී
මේ නිර්මෝ­හ­නය
කම්පා­වක් ද ගෙන දේ
ඒ කම්පාව නිසි ලෙස
හඳුනා ගැනුම හැකි­ වෙද?

එදා
ඔබ මට පෙනුණේ
යමක් කළ හැකි
වීර­ය­කු සේය

මෙදා
ඔබ මට පෙනෙන්නේ
සුරු­වි­රු­කම් ගිලි­හුණු
රූක­ඩ­යක් සේය
මෙදා
ඔබ ඇසුර පතන්නේ
මගේ වීර­යන් නොවන
ලාමක දුහු­නන් රෑනකි
මේ නොවෙද විරු ගීය
මා සිත්හි නළි­යන