CINEC නවෝත්පාදන සහ නව නිපැයුම් ප්‍රදර්ශනය පසුගියදා මාලඹේ CINEC Campus පරිශ්‍රයේ දී අති සාර්ථකව පැවැත්විණි. විශ්වවිද්‍යාල ප්‍රතිපාදන කොමිෂන් සභාවේ උප සභාපති මහාචාර්ය චන්දන පී. උඩවත්ත, විදේශ දූත මණ්ඩල ප්‍රධානීහු, අධ්‍යාපන අමාත්‍යාංශයේ නිලධාරීහු, කොළඹ හා බස්නාහිර පළාතේ ප්‍රධාන පෙළේ පාසල්වල විදුහල්පතිවරු සහ තවත් රාජ්‍ය හා පෞද්ගලික අංශය නියෝජනය කරන ආරාධිතයන් ගණනාවක් මෙම ප්‍රදර්ශනයට සහභාගී වූහ. උසස් අධ්‍යාපන ක්ෂේත්‍රයේ CINEC Campus සනිටුහන් කර ඇති ස්ථාවරත්වය තව දුරටත් තහවුරු කරමින් කොළඹ සහ අනිකුත් තදාසන්න ප්‍රදේශවල පිහිටි රජයේ සහ පෞද්ගලික පාසල් ගණනාවක ගුරුවරු හා සිසුහු පෙර නොවූ විරූ ප්‍රමාණයක්ද ප්‍රදර්ශනයට සහභාගී වීම සුවිශේෂ කරුණකි.
ප්‍රදර්ශනය පැවැති දින තුන පුරා සභාපති කැප්ටන් අජිත් පීරිස් ජ්‍යෙෂ්ට කළමනාකාරිත්වය, කාර්ය මණ්ඩලය සහ සිසුන් සමඟ එක් වී උණුසුම් ලෙස ආරාධිතයන් සහ නරඹන්නන් පිළිගත්තේය. සමුද්‍ර විද්‍යා, සමුද්‍රීය ඉංජිනේරු, ඉංජිනේරු තාක්ෂණ, යන අධ්‍යයන පීඨවල ඉගෙනුම ලබන සිසු සිසුවියන් විසින් සකස් කරන ලද නව නිපැයුම් විශාල ප්‍රමාණයක් ප්‍රදර්ශනයට තබා තිබිණි.
