තිරසර මූල්‍ය මූලාරම්භයන් පිළිබඳ ප්‍රමුඛ පළේ ජාත්‍යන්තර අන්තර් රාජ්‍ය තාක්ෂණික උපදේශකයකු වන සෝල් නුවර මූලස්ථාන කරගත් ගෝලීය හරිත වර්ධන ආයතනය (Global Green Growth Institute – GGGI) සමඟ කොමර්ෂල් බැංකුව සන්ධිස්ථානාත්මක ගිවිසුමක් අත්සන් කර ඇත.
මෙම ආයතන දෙක විසින් අනුමත කරන ලද අවබෝධතා ගිවිසුම තිරසර මූල්‍ය සහයෝගීතා වැඩසටහනක් සඳහා වේදිකාව සකසන අතර, ශ්‍රී ලංකාවේ පුද්ගලික අංශය සඳහා හරිත හා නීල ආයෝජන අවස්ථා බළමුළු ගැන්වීමට කොමර්ෂල් බැංකුව සතු සූදානම තියුණු කරයි.
GGGI වෙනුවෙන් එහි අධ්‍යක්ෂ ජනරාල් ආචාර්ය ෆ්රෑන්ක් රිජ්ස්බර්මන් අවබෝධතා ගිවිසුමට අත්සන් තැබූ අතර, කොමර්ෂල් බැංකුව වෙනුවෙන් එහි කළමනාකාර අධ්‍යක්ෂ සහ ප්‍රධාන විධායක නිලධාරී සනත් මනතුංග අත්සන් තැබීය.
කොමර්ෂල් බැංකුව සහ GGGI අතර මෙම පරිවර්තනීය හවුල්කාරීත්වය ශ්‍රී ලංකාවේ තිරසර මූල්‍ය මුලපිරීම් කඩිනම් කිරීම සඳහා විශාල දායකත්වයක් ලබා දෙන අතර, ඉදිරි පරම්පරාවන් සඳහා හරිත හා වඩා ඔරොත්තු දෙන ආර්ථිකයක් සඳහා මාවත විවර කරන බව බැංකුව පවසයි.
GGGI යට අනුව, කොමර්ෂල් බැංකුව තේමාත්මක බැඳුම්කර නිකුතුව පිළිබඳ ගවේෂණය තුළින් සිය හරිත කළඔ පුළුල් කිරීම උදෙසා ඇති කැපවීම පෙන්නුම් කරමින් පවතී. මෙම හවුල්කාරීත්වය හරහා බැංකුවට තේමාත්මක බැඳුම්කර රාමුවක් නිර්මාණය කිරීම සඳහා GGGI වෙතින් ජාත්‍යන්තර තාක්ෂණික විශේෂඥතාව සහ සහය ලබා ගැනීමට හැකි අතර, බැංකුවේ ආයතනික ධාරිතාව ද ශක්තිමත් වනු ඇත.
