කොවිඩ් අසාදනය වී මියගිය අය අතර ගැබිනි මවුවරු 30 ක් හා දරුවන් 20ක් සිටින බවත්; මේවන විට කොවිඩ් අසාදනය වූ ගැබිනි මවුවරුන් 3918 ක් සිටින බවත් පවුල් සෞඛ්‍ය සේවා කාර්යාංශයේ අධ්‍යක්ෂිකා වෛද්‍ය චිත්‍රමාලී ද සිල්වා සිළුමිණ ට අනාවරණය කළාය.
එසේම කොවිඩ් අසාදනය වී මියගිය හෙදියන් සංඛ්‍යාව 6කි. තවත් හෙදියන් දහසක් පමණ කොවිඩ් අසාදිතයන් වන බව රාජ්‍ය සේවා එක්සත් හෙද සංගමයේ සභාපති මුරුත්තෙට්ටුවේ ආනන්ද හිමි සිළුමිණට ප්‍රකාශ කළහ.
රජයේ පවුල් සෞඛ්‍ය සේවා සංගමයේ සභාපතිනී දේවිකා කොඩිතුවක්කු ප්‍රකාශ කළේ කොවිඩ් රෝගයට පවුල් සෞඛ්‍ය සේවා නිලධාරිනියන් ගොදුරු වීමේ ශීඝ්‍රතාව නිසා සංඛ්‍යා ලේඛන යාවත්කාලීන කිරීම ඉතා අපහසු බවය.
