2019 සැප්තැම්බර් මස 20 වැනිදා BMICH හි අන්තර්ජාතික පොත් ප්‍රද‍ර්ශනයේදී දොරට වඩී.
ප්‍රවීණ ලේඛක ජයකොඩි සෙනෙවිරත්න මහතා ලියූ අලුත් ම නවකතාව ‘කඩුපුල් මල්’ 2019 සැප්තැම්බර් මස 20 වැනිදා සිකුරාදා උදේ 10.00 ට කොළඹ BMICH හි අන්තර්ජාතික පොත් ප්‍රදර්ශනයේ සිරිමාවෝ බණ්ඩාරනායක ශාලාවේ B 114, B 115, B 117, B 118 යන දයාවංශ ජයකොඩි සහ සමාගමයේ පොත් ප්‍රදර්ශන කුටිවලදී ජනගත වේ.
දෙමාපියන් අහිමි දියණියක සිය සහෝදරයන් ගෙන් වෙන්ව හුදකලාව ජීවිතයට මුහුණ දෙමින් සිටියදී අහඹු හමුවකින් සිය සහකරු තෝරා ගන්නීය. එහිදී ඇති වන අවිශ්වාසයක් හේතුවෙන් සිය පවුල් සංස්ථාව ද කඩා බිඳ දමා ගන්නා අයුරු ‘කඩුපුල් මල්’ නවකතාවෙන් විචිත්‍රණය කෙරේ. ‘කඩුපුල් මල්’ නවකතාව එදින දහවල් 12.00 දක්වා එහි කතුවර ජයකොඩි සෙනෙවිරත්න මහතාගේ අත්සන සහිතව ලබා ගැනීමටත් පාඨකයන්ට ඒ මහතා හමුවීමටත් දයාවංශ ජයකොඩි සහ සමාගම අවස්ථාව සලසා ඇත.
