කොයි දේ වුණත් අත්හදා බලන්නට පොඩිඈයෝ රුසියෝ ය. අවදානම කෙතෙක් වුවත් ඒ ගැන හැඟීමක් ඔවුන්ට ඇත්තේම නැත. මේ ඉන්නෙත් එවැනි දඟමලු ටිකකි. වෙනස, මේ සමූහය ඇමෙරිකා කඳුකර එළු පොඩ්ඩන් වීමය. අඩි 14,000ක් ඉහළ කඳුකර වනාන්තරයේ හෙවත් උන්ගේ නිජබිමේ තිබෙන ගල්කුළුවලින් එහාට මෙහාට පැන, පැනීමේ ඉසව්ව හරියටම කළ හැකිදැයි කියා අත්හදා බැලීම උන්ගේ ව්‍යායාමයයි. පැනීම ප්‍රගුණ කිරීම එළුවන්ට වැදගත් නැතත් දඟයන්ගේ විනෝදයට ඒවායෙන් වැඩක් නැත.
සුවය
කොන්ක්‍රීට් පයිප්පයක් තුළ හිඳිමින් නිවහනක සුවය සොයන මේ අසරණයන් හමුවුණේ බංගලිදේශ - මියැන්මාර දේශ සීමාවේදී ය. වෙනත් විදිහකට කිවහොත් ඔවුහු වධ හිංසාවලින් පීඩාවට පත්ව ජීවිතය සොයන රෝහින්ග්යා ප්‍රජාවේ සාමාජිකයෝ ය. මගේ ගෙදර මිස වෙන තැනක මට සුවයක් නැතැයි කියා සිතන අය මේ නිවහන් ගැන මොනවා කීවත් නොකීවත් කම් නැත. මන්ද, මීට වඩා හොඳ ගෙදරක් සොයා ගැනීම ඔවුන්ට අසීරු බැවිනි.
ආදරය
කාගේ කාගේත් ජීවිත ගලා බසින ආවේණික ලාලිත්යයක් ඇත. මේ ඉන්දියාවේ ලෝනවලාහි වසන නයි විශේෂයක් උන්ගේ ප්රියාදරයන් සමඟ සම්භෝගයේ යෙදෙන ලාලිත්යයයි.
